عند تعريض كمره خرسانيه لأحمال تزداد تدريجياً , فالكمره دى هتتعرض لعدة مراحل قبل الإنهيار , والهدف هو دراسة تلك المراحل لمعرفة سلوك الخرسانه اثناء تأثير الأحمال وده هيساعدنا في فهم عملية التصميم
المرحلة الاولي: ما قبل التشرخ
عند المرحله دى بتكون الأحمال المؤثره على الكمره أقل من
الأحمال المطلوبه علشان تسبب تشرخ للكمره – أحمال قليله – وبيكون القطاع الخرساني كله فعال في مقاومة إجهادات الضغط والشد المتولده عليه.
وبيكون سلوك الخرسانه مرن اى ان العلاقه بين الإجهاد والإنفعال متناسبه وده لأن الحديد بيتشكل بنفس معدل تشكَل الخرسانه
المرحلة الثانية: مرحلة التشرخ
عند زيادة الأحمال بشكل أكبر على الكمره بتبدأ إجهادات الشد المؤثره على القطاع تتجاوز قيمة مقاومةالخرسانه للشد) Fctr (وبالتالى بتبدأ تظهر شروخ دقيقه – مش بتتشاف بالعين المجرده - على جسم الكمره فى منطقة الشد وبتمتد لغاية محور التعادل ال بيترحل لأعلى القطاع
وعند المرحله دى فالخرسانه مبتكونش بتقاوم اى اجهادات شد متولده فى الجزء السفلي من الكمره وبيبدأ حديد التسليح لوحده يشيل كل إجهادات الشد فى القطاع الخرساني
المرحلة الثالثة: الاجهادات القصوي
ودى المرحله الأخيره وال بعدها بتنهار الكمره مباشره , وفى المرحله دى مع زيادة الاحمال بشكل أكبر بتبدأ الشروخ تزيد ومحور التعادل بيبدأ يترحل لمنطقة الضغط وبتفضل العلاقه مستمره لغاية لما توزيع الإجهادات ميكونش متنظم حتى انهيار منطقة الضغط بيكون شبه منحنى الإجهاد والانفعال للضغط للخرسانه مع ثبات توزيع الانفعال على الكمره بشكل متناسب
تحميل مذكرة شرح سلوك الكمرات الخرسانية تحت تاثير الاحمال
الأقسام:
مقالات عامة
ليست هناك تعليقات:
إرسال تعليق